NRK Meny
Normal

Sierra girku Guovdageidnui

Eret biddjon báhpa searvigoddi hukse sierra girkovistti Guovdageidnui.

Olav Berg Lyngmo
Foto: Bjørnbakk, Jan-Morten / SCANPIX

Suohkanbáhppa gii biddjui eret barggus, Olav Berg Lyngmo, lea searvegottiinis dál huksemin ođđa girku Guovdageidnui.

- Buohkat barget nuvttá, lohká čoakkalmasvistti jođiheaddji Mathis M. Sara.

  GULDAL: Ođđa girku

 

Guovdageainnu ođđa girku
Foto: Håkon Isak Vars / NRK

Šattai guođđit ámmáhis

1997 biddjui báhppa Olav Berg Lyngmo eret barggus maŋŋá go riidališgođii homofiliija áššis bismmainis gii dalle lei Ola Steinholt.

Guovdageainnus dorjo máŋggas Berg Lyngmo, gii dál ain muhtumin orostallá Guovdageainnus.

Otná visti menddo unni

Čoakkalmasvisti mii sis lei unnui ja danne leat dál huksemin ođđa visti duoma duoma.

Guovdageainnu girkostallit leat guhká riidalan, ja dal lea searvegoddi juohkásan njeallji sadjái.

- Lutheránalaš oskkolaččat

- Min searvigoddi gal doalaha ipmilsánis, ja dan lutheránalaš oskus go Norgga stáhtagirkus leat mannan eret, čilge Mathis M. Sara.

- Ođđa girkui galget čáhkat moadde coađis. Báikkálaš huksejeaddji oažžu mávssu huksema ovddas, muđui gal veahkehit earát nuvttá.

- Gárvvis jagi lohppii

- Girku gárvana ge farga, go mii leat rehkenastán ahte visti galgá leat gárvvis dán jagi sisa. Báhppan dan ođđa girkus galgá leat Berg Lyngmo, lohká Sara.