Čálliid Lágádus rahppá dán mánus Sámi girjjálašvuođaguovddáža Kárášjohkii. Dál leat gal ain huksemin dálus gos guovddáš galgá leat, muhto ČállidLágádusa beaivválaš jođiheaddji John Trygve Solbakk lohká guovddáža gárvánit dassá.
Guovddáža rahpet dán mánus
Solbakk muitala iežaset bargat ovttas eará lágádusain, nu ahte buohkat buktet iežaset girjjiid guovddážii gos čájehit ja vuvdet girjjiid. Guovddážis lea maid dakkáraš latnja. Ja sis lea maid sierra latnja maid áigot geavahit nugo dasa ahte almmustahttit ođđa girjjiid, muhto doppe sáhttet maid lágidit iešguđetge laganaš doaluid.
Guovddážis sáhttá lágidit ságastallamiid, debáhtaid ja maiddái eará doaluid.
Almmustattet ođđa girjji
Dán mánu 26.beaivvi lea guovddážis almmolaš rahpan, ja dán oktavuođas de almmustahttet maid Siri Broch Johansena ođđa girjji "Mun lean čuoigi". Rahpamii leat olbmot bures boahtimat, lohká ČállidLágádusa beaivválašjođheaddji John Trygve Solbakk.