NRK Meny
Normal

Ođđa girječállit almmuhit antologiija

Dál farga almmustahttet sámi girječállinoahpu oassálastit iežaset čállosiiid, Tråante ávvudoaluid áigge dat ilbmá sis antologiija.

Gurot rávddas Liv Tone Boine, Saija Stueng, Kirssi Paltto ja Edel Marit Gaino

Dán govas lea oassi girječállinoahpu oasseválddiin, gurot rávddas Liv Tone Boine, Saija Stueng, Kirssi Paltto ja Edel Marit Gaino

Foto: Anne Olli

Sámi girječálliidsearvvi jođiheaddji Karen Anne Buljo illuda go dál hui farga de almmustuvvá girječálliinoahpu oassálastiid antologiija, dasa leat oahpu oassálastiid čállosat čohkkejuvvon.

Háldiidedje lasihit lohkamušaid sámegillii

Girječálli Karen Anne Buljo

Girječállinoahpu fága ovddasvástideaddji Karen Anne Buljo illuda go dál almmustuvvá farga ođđa girječálliin girji, antologiija. Ja go dál lassánišgohtet ođđa girjjit sámegillii.

Foto: Anne Olli / NRK

Diibmá álggahedje Sámediggi, Sámi Girječálliidsearvi ja Sámi Dáiddárráđđi oktasaš prošeavtta mainna geahččalit lasihit lohkamušaid sámegillii. Karen Anne Buljo lohká iežaset fuomášan ahte fertejit dahkat juoga vai ođđa čállit álggášedje čállit girjjiid sámi mánáide ja nuoraide. Čállinohppui serve sihke nuorat ja boarrasat olbmot, ja dál lea vuošttas čállinoahppoáigi nohkan.

Álggahit fas ođđa girječállinoahpu

Dál go leat lágidan vuosttaš čállinoahppojagi, de leat fuomášan man ávkkálaš dát lea leamaš. Danne leat sii mearredan álggahit fas seammalágan oahpu. Ná navdet sii háhkat ođđa girječálliid, ja nu maid lassánit girjjit iešguđet sámegillii. Goas dan álggahit, ii vuos dieđe, muhto almmuhit das dalá maŋŋil Tråante-doaluid.

Sámi Girječálliidsearvi áiggošii dál čájehit ahte sii duođas áŋgiruššet dan ala ahte lasihit girječálliid geat čállet sámegillii. Dál ferte duođas váldit sámemánáid- ja nuoraid go sii dárbbašit lohkamušaid iežaset gillii.