NRK Meny

Ođđa duhpátláhka Suomas

Suomas bođii fápmui otne ođđa duhpátláhka. Buot lágan duhpátbuktagat main lea smáhka, nugo menthol ja vánilja, ii beasa šat otná rájes oastit. Láhka gieldá maid borgguheamis biillas, jus fárus lea vuollel 15-jahkásaš mánát. Elektriskka duhpáhat main lea nikotiidna gullet maid otná rájes duhpátlága vuollái. Earret eará diet leat mielde ođđa duhpátlágas mii čuovvu EU duhpátdirektiivaid. Nu čállá Suoma sosiála- ja dearvvašvuođaministeriija preassadieđáhusas.