NRK Meny

Ođđa dálkkádatráporta

Máilmme CO-2 gássaluoitin váikkuha dálkkádaga juo dál, nu cealká ON-a dálkkádatpanela mii boahtte vuossárgga ovdanbuktá ođđa ráporta. Váikkuhusat leat earet eará heajut šaddu, goikkadat ja eambbo hirpmusdálkkit. CO-2 gássaluoitin suvrroda máilmmeábiid, mii dán čuohtejagis sáhttá dagahit erenoamaš stuorra guollejámu ja nu maid nealggi. Davvimáilmmes šaddet boahtteáiggis eambbo arvves dálkkit ja dulvvit, dadjet dutkit.