Ođđa bisma

Álttá proavás Olav Øygard lea otne nammaduvvon ođđa bisman Davvi Hålogalándda bismagoddái. Øygard lea leamašan báhppan máŋgga Finnmárkku girkosuohkanis. Son vihahuvvo bisman Romssa duopmogirkus skábmamánu 9. beaivvi. Øygard álgá bisman go dálá bisma Per Oskar Kjølås manná ealáhahkii. Girkoráđđi, mii nammadii Øygarda bisman, namahii ahte lea ovdamunnin go Øygard máhttá sámegiela.