Veagalváldin Oarje-Finnmárkkus
Guokte vuollel 16-jahkásaš nieiddaža, navdoba jugahuvvon feasttas, gos guokte boarráset bártni váruhuvvoba lea veagalváldán dán guokte nieidda. Dan čállá Finnmark Dagblad. Dát muitaluvvo dáhpáhuvvan sotnabeaivve čuovganeapmái unna gilážis Oarje-Finnmárkkus. Dutkijođiheaddji Svein Erling Mikalsen duođašta ahte guokte olbmo leaba váldon gitta aiddo dán ášši geažil. Politiijat leat maid leamaš viesus ja sihkkarastán duođaštusaid. Nuppi bártni leat luoitán luovos, ja nubbi gis lea ain giddagasas go son dat galgá čilget dáhpáhusa, dadjá Mikalsen.
Politiijajurista lea árvvoštallan háldogiddagasa, muhto son ii leat gávdnan ákka ahte duođaštusat billistuvvojit, dadjá Mikalsen.