Hopp til innhold

Sámi filbmabargit Sundance-workshopii

Beakkán Sundance filbmainstituhtta lea bovden sámi filbmabuvttadeaddji guoktá Marja ja Ingir Bål Nango mielde workshop-jovkui, geat dán jagi ožžot rávvagiid ja veahki ovdánahttit iežaset filbmaprošeavttaid. Oktiibuot 16 filbmamánusčálli miehtá máilmmi leat bovdejuvvon dása mielde. Badjel 3200 filbmamánus evttohusa ledje mielde gilvvus beassat Sundance filbmainstituhta Screewriters Lab workshop-jovkui. Dovddus filbmanásti Robert Redford dat lea vuođđudan filbmainstituhta. Dainna lea ulbmil nannet nuorra neavttáriid, filbmabagadalliid ja filbmamánusčálliid vejolašvuođaid lihkostuvvat dán kultursuorggis.

Ingir Bål Nango og Marja Bål Nango ute, ikledd varme klær
Foto: Privat