Hopp til innhold

Sámiráđi girjjálašvuođabálkkašupmi geigejuvvui Vuolabii 

Sámiráđi girjjálašvuođabálkkašupmi geigejuvvui Sara Vuolabii Sámiid 22. konferánssas Váhčiris sotnabeaivve. Girjjálašvuođabálkkašupmi juhkkojuvvui Vuolaba diktačoakkáldahkii «Gárži». Diktačoakkáldaga lea almmustahttán Čálliid lágádus jagi 2019.

– Lea hui stuorra illu ja gudni oažžut girjjálašvuođabálkkašumi. Lea somá, ahte árvvoštallanlávdegoddi oaidná árvvu mu čállosiin ja háliida bálkkašumi bokte leat veahkkin loktemin ja čalmmustahttimin čállosiid ain eanet. Mun lean nu ilus, lohká Vuolab.

Árvvoštallanlávdegoddi čállá ahte Sara Vuolab diktačoakkáldat lea buorre ovdamearka das, mot dáidaga bokte sáhttá govvidit eallima váttes ja váivves áššiid, ja liikká lohkkis lea dovdu, ahte son lea ožžon oasi eallima čábbodagas.

Sara Vuolab oaččui Sámiráđi girjjálašvuođabálkkášumi Jielleváris
Foto: Sámiráđđi