Sámiide álkibut caggat ođđa ruvkedoaimmaid
Minerálaláhkalávdegoddi geigii odne ealáhusministarii ođđa čielggadeami «Ođđa minerálaláhka». – Láhkaevttohusas gáibiduvvo soahpamuš guoskkahuvvon riekteoamasteaddjiide árbevirolaš sámi guovlluin ovdalgo sáhttá álggahit ruvkedoaimma. Nu čilge Rune Sverre Fjellheim, gii lea lávdegotti sámi lahttu. Minerálalávdegoddi lea guokte jagi bargan evttohusain, mii lea gulaskuddamiin suoidnemánu 1. beaivvis skábmamánu 1. beaivái.