Sámi muitalus Netflix-filbman
Go Ann-Helèn Laestadius girji «Stjålet» galgá filmatiserejuvvot, de lea stuorra rávdnjenfitnodat Netflix mielde.
Deadline neahttaáviisii muitala Laestadius ahte lea hirbmat lihkolaš go Netflix vállje ráhkadit sámi muitalusa guhkesfilbman.
Munnje girječállin lea niehku oaidnit mu girjji hábmejuvvot filbman ja oažžut ođđa gehččiid, son muitala.
Girji lea jo oalle dovddus ja gávdno badjel 20 riikkas.
Filmma bagadalli lea Elle Márjá Eira, gii ovdal lea bargan sámi oanehisfilmmain, nu go «Iđitsilba».
Son lea ieš boazoeaiggát ja muitala ahte dovdá iežas «Stöld» muitalusas.
– Dat lea hui somá diehtit ahte olbmot besset oahpásmuvvat dáinna muitalusain ja mii dáhpáhuvvá Sámis otne, muitala Eira.
Netflix ovttasbargguin oaidná Elle Márjá čuvges boahtteáiggi sámi filbmaealáhussii.
– Mun ferten rámpot Ánne Láilá Utsi gii dákkár luotta ja máilmmi midjiide ráhkadan, gos mii beassat deaivat dákkár stuorra fitnodagaid, son lohká. Les på norsk.
