Ovttasbargošiehtadus Innlandetiin

Sámediggepresideanta Silje Karine Muotka vuolláičállá dán vahkkus ovttasbargošiehtadusa Innlandet fylkkagielddain. – Innlandet fylkkagielddas ásset ollu sámit ja danne lea Sámediggi movtta go Innlandet fylkkagielda álggaha barggu oažžut sadjái ovttasbargošiehtadusa Sámedikkiin, lohká sámediggepresideantta. Ovttasbargošiehtadusa vuođul lea vejolaš nannet ja oainnusmahttit sámi kultuvrra, giela ja servodateallima fylkkagielddas, dadjá sámediggepresideanta Silje Karine Muotka (NSR).