Ožžot eanet buhtadusa

Sávzadoallit Norggas ožžot máksojuvvot mealgat eanet buhtadusaid vahágiid ovddas maid albasat galget leat dagahan go dan maid sávzaboanddat ieža leat nákcen duođaštit, čuoččuhit dutkit Norgga luonddudutkan Instituhtas , NINA Dagens Næringsliv áviisas. Maŋimuš 13 jagi leat sávzadoallit ožžon oktiibuot 200 miljovnna kruvnnu buhtadussan dákkár vahágiid ovddas. Dušše gaskal 4 ja 9 proseantta daid vahágiidda leat duođaštusat dasa ahte albbas dat lea goddán sávzzaid, čuoččohit NINA-dutkit. .