Ođđa ráđđeaddit sámedikkeráđis

Sámediggepresideanta Silje Karine Muotka (NSR) lea nammadan sámediggeráđđái guokte politihkalaš ráđđeaddi.

Eirik Larsen (NSR), gii lea leamaš ráđđeaddi Aili Keskitalo ráđis, joatká ráđđeaddin. Ođđa ráđđeaddi lea kárášjohkalaš ja badjeolmmoš John Mathis Utsi (JSL).

– Illudan dan miellagiddevaš ja dehálaš bargui mii vuordá. Boazoeaiggádin de lea dieđusge boazodoallu juoga mas beroštan ja mainna áŋgirušan, muhto beroštan hirbmosit sámi áššiin obbalaččat, nu go gielas, kultuvrras, luođis ja dálkkádagas, dadjá John Mathis Utsi (JSL).

Maŋemus ráđđeaddi Guovddášbellodaga bealis ii leat vel nammaduvvon.

Ná muitala Sámediggepresideantta ráđđeadiid bargguid birra

Sámediggepresideantta muitala ođđa ráđđeaddiid birra ja makkár doaimmat sámediggeráđis leat.