Nuppástuvvan virus leavvá álkebut

Nuppástuvvan koronavirus Omikron dáidá leavvat miehtá máilmmi ja das sáhttet leat duođalaš váikkuhusat muhtun guovlluide, cealká Máilmmi dearvvašvuođaorganisašuvdna WHO. Organisašuvdna bivdáge dál buot 194 lahttoriikka johtileamos lági mielde boahkuhišgoahtit olbmuid ja sihkkarastit ahte sis leat doarvái buori plánat bisuhit dehálaš dearvvašvuođabálvalusaid. Dálá dieđuid mielde dát nuppástuvvan koronavirus lea hui njoammu, muhto ii leat vel dárkilis diehtu das man sakka olmmoš buohccá dáinna.