Muotka dáhttu gaikut bieggajorriid

Sámediggepresideanta Silje Karine Muotka (NSR) geavahii stuorra oasi sátnevuorustis hállat Fovsen njaarke bieggajorriid birra go ovddidii sámediggeráđi doaibmačilgehusa. – Industriijarusttet ferte gaikkoduvvot ja guovlu ferte fas ođđasit gilvojuvvot, deattuha Muotka. Son gáibida maid, ahte Stáhta ferte šállošit Fovsen-Njaarkii, geat leat vásihan olmmošvuoigatvuođarihkkuma.