Maŋidit álbmotbeaivve doaluid
Fargga lea sámi álbmotbeaivi fas, guovvamánu guđát beaivi, muhto eai dán jagi ge oru šaddamin stuorra ávvudeamit koronaeastadandoaimmaid geažil. Tråantes gal leat mearridan maŋidit álbmotbeaivve doaluid giđđii. – Mii leimmet dál juo galgat ceggegoahtit stuorra lávu gosa čáhket 300 olbmo, muhto dálá dilis eat duostta lágidit nu stuorra doaluid, lohká Tråanten Saemien Dåehkie jođiheaddji Stig Vikan.
