Imašta go lihkuhisvuođabáikkis ii leat telefonoktavuohta 

Ole Martin Hætta Strand lei okta dain vuosttažiin geat bohte lihkuhisvuođabáikái gaskal Máze ja Guovdageainnu mannan duorastaga. Ja son imašta manne ii leat telefonoktavuohta dan guovllus. Nu čállá iFinnmark.

Nuorra suoma nisu duššai lihkuhisvuođas. Strand muitala áviisii ahte lea issoras go máŋga sajis E45 geainnu buohta gaskal Álttá ja Guovdageainnu ii leat vejolaš geavahit mobiila. Son muitala at fertejedje vuodjit guokte-golbma kilomehtera Álttá guvlui vai besse čuojahit heahtebálvalussii.