Ijahis idja álgá odne

Odne álgá Ijahis idja musihkkafestivála Anáris, ja dán jagi lea fas guovttebeaivásaš festivála. Odne čuojaha Ailu Valle fanasmátkkis Anárjávrris, ja eahkedis fas čuojahit Emil Kárlsen, Isák ja Bernt Mikkel Haglund ja juoigit kulturguovddážis Sajosis.

Muđui leat prográmmas artisttat nu mo Angelit, Arvvas, Evvan nõmmpeei'v, ja Intrigue. O Festivála bistá lávvardahkii.

Áibbas ođđa prográmmaoassi lea Talent stage, mas nuorra musihkkačeahpit besset čájehit dáidduideaset. Talent stages čuojaha earret eará Erke Eriksen joavkkuinis, čállá Yle Sápmi.

Yle Sápmi sádde njuolggosáddaga Ijahis ija festiválaguovllus bearjadaga dii. 13.30. Sáddaga oainnát dás Yle Sámis.