Ii mihkkege leat geavvan Alimusrievtti duomu rájes
– Dieđusge galget turbiinnat eret. Alimusrievtti duopmu lea čielggas, dadjá Fovsena boazodoalli Leif Arne Jåma.
Dál lea jahki gollan dan rájes go Fovsena boazodoallit vuite Fosen Vind vuostá Alimusrievttis. Statkraft lea Fosen Vind stuorimus eaiggát.
– Ii fal ii mihkkege leat dáhkkon hettet dán olmmošvuoigatvuođaid rihkkuma, dadjá Motvind Norge Torbjørn Lindseth.
Dán beaivvi oktavuođas lea Motvind Norge ovttas eará aktevrrain lágidan máŋga doaluid, sihke Oslos ja Tråantes, čuvgen dihtii ahte sii eai leat vajálduhttán ášši.
Ná vástida Oljo- ja energiijadepartemeanta:
«Duopmostuolut celket ahte Fovsena bieggafápmorusttegat áitet boazodoalu ja sápmelaččaid rievtti doaimmahit iežaset kultuvrra áiggi mielde. Danin oaivvildat stáhtas ahte mis lea áigi čađahit hálddahuslaš čuovvuleami duomus. Boazodoalus eai leat vel dieđihan dárbbu buhtadussii dahje gaskaboddosaš doaimmaide. Dat mii viidásabbot dáhkko lea sihkkarastit máhttu, mainna sáhttit láhčit bistevaš čovdosiid.»
