Gárven doaibmaplána sámevaši vuostá
– Lea váivi gullat ahte nuorra nissonat leat fas dákkáriid vásihan Romssas, dadjá sámediggeráđđi Runar Myrnes Balto maŋŋá go Elle Nystad muitalii iežas vásihan vealaheame Romssas. Myrnes Balto ii jáhke olbmuid diehtit ahte dan maid sii dahket, lea problemáhtalaš.
Sámediggeráđđi lea ráhkadan doaibmaplána sámevaši vuostá, mii almmuhuvvo boahtte vahkku ja meannuduvvo dievasčoahkkimis geassemánus.
– Muhtin bijut leat mo Sámediggi galgá loktet máhttu stuorraservvodagas, eambbo ovttasbargu politiijaiguin ja doarjjaortnegat prošeavttaide mat barget eastadit sámevaši, muitala Myrnes Balto NRK:i.
