Deatnolaš barggus Antarktisas

Deatnulaš Jens Ivar Hauge (51) hirpmástuvai go Norgga Polarinstituhtas čuojahedje sutnje ja fálle barggu Antarktisas. – In dárbbašan gal guhkká smiehttat ovdalgo vástidin ahte vuolggán, lohká son. Hauge mielas lea dehálaš searvat doaimmaide mat orrot miellagiddevačča. Son girdá helikoptera ja lea maid leamaš suodjalusas. Dasa lassin lea Hauge hárjánan divodit muohtaskohteriid ja eará vuojániid. Polarinstituhta dutkit leat Antarktisas dutkamin muohttaga ja dálkkádaga. Hauge lea giitevaš go beassá vásihit Antarktisa. Loga dás eanet su vásáhusain doppe (dárogillii).