ATV lihkuhisvuohta Gilevuonas
Ambulánsa ja boles ožžo ikte eahkes dieđu ATV lihkuhisvuođas Stuorrajávrri davábealde Gilevuona. Čállá boles Twitteris.
Guokte olbmo, okta lagabui 40- jahkásaš nisu ja 12 jahkásaš gánda, roasmmohuvaiga ja leaba dolvojuvvon Hámmanfeastta buohccevissui helikopteriin. Finnmárkku buohcceviesus muitalit ahte goappašagat leat veháš roasmmohuvvan ja veadjiba bures.