Allaskuvla ovttasbargá ođđa prošeavttas

Sámi Allaskuvla ovttasbargá Sámi Ráđiin ja International Work Group for Indigenous Affairsain (IWGIA) ođđa prošeavttas Indigenous Navigator in Sápmi, čállá Ságat. Ulbmil lea kártet sámi juridihkalaš dili Suomas, Norggas ja Ruoŧas «Indigenous Navigator» reaidduin.

Allaskuvlla rektor Láilá Susanne Vars oaivvilda reaidu nanne sápmelaččaid rivttiid, ja addá maid sámi organisašuvnnaide reaidduid vákšut mo eiseválddit meannudit sámi rivttiid.