"Skårungen" filbmabálkkašupmi
Nuorra sámi filbmadahkki, Marja Bål Nango, oažžu dán jagáš "Skårungen" debutántabálkkašumi, maid Davvi-Norgga Filbmaguovddáš geige juohke jagi Romssa riikkaidgaskasaš filbmafestivála oktavuođas.
Bål Nango oažžu bálkkašumi "Hilbes biigá" -oanehisfilmmain mas lea vuosttaščájáhus bearjadaga filbmafestiválas. Jury lohká filmma duostilin ja rámpojit Bål Nangos erenoamáš attáldagaid filbmadahkamis.