Čielga vástádus Lars Monsenii
Aina Nordfjell lohká TV-beakkálmasa Lars Monsena sihke gutneheapme ja čeavlái go ii sáhte dohkkehit álbmotmeahccestivrra gildosa. Dát stivra ii leat addán Monsenii vuoigatvuođa organiserejuvvon beanavuodjima doaimmahit boazodoalloguovllus, Femundslias, Plassje lahkosis. Go Femundsmarka álbmotmeahci bargolávdegoddi ii addán sutnje vuodjinlobi, de Lars Monsen ovddidii garra moaitámušaid lullisápmelaččaid vuostá.