– Vuodjaskáhpu lea kveana duddjon

UiT Norgga árktalaš universitehtamuseas leat dál ceggeme čájáhusa maid gohčodit «Tuulessa». Dat lea kveana kultuvrra birra čájáhus. Sii leat čohkken dološ dávviriid, ja geahččan historjjá. Musea ráđđeaddi Per Helge Nylund muitala ahte sii leat gávdnan vuodjaskáhpoža maid oaivvildit kveana duodjin. – Vuodjaskáhpu lea kveana duddjon, ja okta sápmelaš ostii ja geavahii dan. Ja danin leat vuodjaskáhppu gohčodan sámi dávviriin badjel 50 jagi, lohka Per Helge Nylund. Son lohka ahte dát čájeha ahte dološáigge leat olmmoščearddat gávppašan ruossut doarrás. Čájáhus rahppo sotnabeaivvi Romssas.