315.000 ruvnnu Guovdageainnu fitnodahkii
Sámediggeráđđi addá 315.000 ruvnnu doarjaga Dolin AS:i, Guovdageainnu suohkanis. Nu čállá Sámediggi preassadieđáhusas.
Dolin AS áigu ásahit gelddolaš fálaldaga mas mihttun lea ovddidit ja buvttadit geasuheaddji buktagiid bohccobierggus ja vuovdit njuolga geavahusmárkanii, čállá Sámediggi.
Áslat Máhtte Gaup dat eaiggáda fitnodaga. Dasa lassin lea son boazodoalli.
