2 ođđa njoammuma Guovdageainnus

Kárášjogas lea maŋŋebárgga okta ođđa koronanjoammun duođaštuvvon. Erremis leat guhtta olbmo. Skábmamánu 1. beaivve rájes leamašan 82 njoammuma Kárášjoga gielddas, čállá gielda neahttasiiddustis.
Guovdageainnus ledje guokte ođđa njoammuma maŋŋebárgga ja erremis leat čiežas.
Deanu gieldda dieđiha neahttasiiddustis, ahte ovtta doavtterkantuvrra bargis lea duođaštuvvon njoammun maŋŋebárgga. Gielda bivdá olbmuid geat fitnet doavtterkantuvrras njálbmesuoji geavahit.


Finnmárkku buohcceviesus ožžot korona geažil divššu logi olbmo ja Davvi-Norgga universitehta buohcceviesus leat 23 olbmo korona geažil.

Pandemilab og sekvenseringslab på Ullevål
Foto: Heiko Junge / Heiko Junge