19-jahkásaš jámii biilalihkohisvuođas Deanus
Dat lei 19-jahkásaš Bjørn-Felix Guttormsen Utsi gii massii heakka biilalihkohisvuođas Deanus duorastat ija. Dan dieđiha politiija preassadieđáhusas.
Biila jorihii riikageainnu 98:s Deanus Finnmárkkus. Biillas lei maiddái nissonolmmoš gii sáddejuvvui UNN buohccivissui Romssas.
Politiija leat jearahallame vihtaniid, sihke sin geat ledje sajis lihkohisvuođa maŋŋel, ja maiddái sin geat ledje leamašan ovttas dan guovttuin árat seamma eahkeda.
Nissonolmmoš gii cevzzii ain oažžu divššu buohcciviesus. Politiijat eai leat vuos jearahallan su, muhto áigot dahkat dan nu fargga go vejolaš.
Politiijat eai dieđe vuos goabbá sudnos lei vuodjime biillain go lihkohisvuohta dáhpáhuvai.
