Guokte organisašuvnna ja okta olmmoš ožžo ráfibálkkašumi
Nobela ráfibálkkašumi oaččuiga guokte organisašuvnna ja okta olmmoš. Vilgesruošša aktivista Ales Bjaljatski, ruošša organisašuvdna Memorial ja ukrainalaš organisašuvdna Siviila rivttiid Guovddáš ožžo Nobela ráfibálkkašumi. Bjaljatski lea olmmošorganisašuvnna Vjasna jođiheaddji, ja son lea dál giddagasas. Bjaljatski lea bargan badjel 30 jagi olmmošrivttiid ovddas ja Vilgesruošša demokráhtalaš ovdáneami ovddas, ja son lea máŋgii nammaduvvon ráfibálkkašupmái. Ukrainalaš organisašuvdna Siviila rivttiid Guovddáš oaččui čakčat dan nu gohčoduvvon alternatiiva nobelabálkkašumi, ruoŧa Right LIvelihood bálkkašumi.
