- Šaddat geahččat gokko unnidit

Sámediggeráđđi Runar Myrnes Balto ii loga lassáneami sámediggái 22 miljovnna kruvnna, muhto birrasii 16 miljovnna kruvnna ja nu šaddet garrasit seastit boahttejagi, mii čuohcá sámi giella ja kultuvra doaimmaide. – Ráđđehus lea lohpidan nannet sámi giela ja kultuvrra, muhto dál šaddat unnidit dáid doaimmaid, lohká Balto. Sámediggi čállá ahte lea 590 miljovnna kruvnna mii ollislaččat juolluduvvo sidjiide boahttejagi, birrasii 2,35 proseantta lassáneapmi dán jagis. Gula Balto dás: