Balddihahtti olu seksuálalaš vuortnuheapmi nuoraid gaskkas
12 proseantta nieiddain joatkkaskuvllas muitalit sii leat vuortnuhallojuvvon dahje bággehallojuvvon dahkat seksuálalaš daguid dahje anašit. Golbma proseanta gánddain muitalit dan seamma, nu boahtá ovdan ođđa iskkadeamis.
Ungdata 2022 iskkadeamis boahtá maiddái ovdan ahte 20 proseanta nieiddain ja 8 proseantta gánddain leat vásihan eahpedáhtolaš seksuálalaš guoskamiid, čállá Sex og Politikk searvi preassadieđáhusas.
Sex og Politikk searvi lea guhkit áigge váruhan ahte seksualitehtaoahpahus ferte vuoruhuvvot Norgga skuvllain sihkkarastin dihte ahte mánát ja nuorat ožžot oahppu das mii guoská rájáide, gaskavuođaide ja miehtamii. Ungdata iskkadeami logut čájehit dása lea dárbu, čállá searvi preassadieđáhusas.