Professor oaivvilda atomavára lassánan
Suodjalusa allaskuvlla professor Tormod Heier oaivvilda ahte go Ruošša návccahuvvu de sáhttá lassánit várra ahte Ruošša geavaha atomavearjjuid mat sis leat davvin.
Heier lohká Ruošša falleheapmi Ukrainas ii leat mannan nu mo ledje jurddašan, ja nu lea ruošša gártan rašes dillái. Heier oaivvilda ahte áidna suorggis gokko ruošša lea ovttadássásaš USA:in, lea atomavearjjut, ja dat sis leat Guoládagas.
