SAS ohcá reastaluvvansuddjema

SAS-pilohtat, geat vuossárgga manne bargoheaitagii, moitet dan go SAS ohcá reastaluvvansuddjema USA:s.

Sin mielas SAS jođihangoddi lea fanahan šiehtadallamiid ja soabadallamiid jo skábmamánu rájes ja de vigget šiehtadallagoahtit, almmá makkárge áigumusa haga, beaivvi ovdal go sáddejit ohcamuša.

– Pilohtat leat dájuhuvvon, ja dát nanne min jáhku dasa ahte jođihangoddi lea háliidan dán bargoheaitaga, vai besset muhtuma sivahallat dás, dadjá Roger Klokset, SAS-pilohtaid jođiheaddji.

– Dál mii áddet manne mihttu, ahte čovdosa gávdnat, álo sirdašuvai, ja manne ii meinnestuvvan šiehtadallat.