Siida museai eurohpálaš bálkkašupmi

Eurohpá komišuvdna ja kulturárbeorganisašuvdna Europa Nostra bálkkašit Sámemusea Siidda ja Suoma álbmotmusea jagi 2021 kulturárbbi máhcaheamis nappo repatriašuvnnas. Museat ožžo bálkkašumi Citizen Engagement & Awareness Rising-luohkás.

Álbmotmusea máhcahii diibmá sámeservošii, Sámemusea Siidii, badjel 2 200 sámedávvira čoakkáldaga, čállá Yle Sápmi.