Bisodit julevsáme mánájgárdde fálaldagáv Hábmerin

Sámedigge la almulasjvuodas oadtjom diedov jut Vuonak Mánájåroj AS mierreduváj konkurssaj mánnodagá 27.06.2022. Sámedigge gåhttju suohkan oassálasstá ådå álgadibmáj julevsáme mánájgárddefálaldagás Ájluovtan Hábmera suohkanin.

-La ájnas jut sámegielak máná Hábmera suohkanin bessi sáme mánájgárddefálaldagáv oadtjot juo tjavtja rájes, ja jut suohkan válldá åvdåsvásstádusáv sihkarasstet jut julevsámegielak mánájgárddefálaldahka bisoduvvá, javllá sámedikkepresidænnta Silje Karine Muotka.