Turisttat noađđin

Boarráset olgoriikkalaš mátkkošteaddjit geat johtet cruisefatnasiin ja buohccájit vearrát leat noađđin Norgga dearvvašvuođabálvalusaide. Nu oaivvilda Davvi-Norgga universitehtabuohcceviesu váldodoavttir Claus Albretsen.

Neurologalaš ossodagas Romssas leat dál eanaš cruisefanasturisttat geat leat fáhtehallan váibmodohppehallamii ja vuoiŋŋašvardimii. Nu ii leat sadji guovllu pasieanttaide. Albretsen vuorddášii ahte sii geat tinejit cruisejohtolagain berrešedje doarjut buohcciviesudoaibmagoluid nugo lassi hápmandivvagiin ja turisttavearuin.