Sieidditunealla rahppo ovdal juovllaid

Ođđa Sieidditunnealla E69:s, Leaibevuona ja Davvenjárgga gaskkas, soaitá rahppot ovdal juovllaid, čállá Ságat.
Hástalusat leat dagahan ahte tunealla gárvvistanbargu lea áddjánan guhkit go plánejuvvon. Dán vahkus asfalterejit tunealla vázzin- ja sykkelgeainnu, ja dasto gárvejit elektrihkalaš ja smávit bargguid ovdalgo tunealla sáhttá rahppot, muitala Skanska entreprenevra.