UiT gávdnan bakteriofága

Árktalaš universiteahta UiT dutkanjoavku lea gávdnan binna bánna virusa, mii sáhttá leat dehálaš birgehallat virusiin, masa antibiohta ii bastte. Virusat dahjege bakteriofágat borret daid bakteriijaid mat dagahit guliid buohccin. Dáid bakteriofágaid ii leat vel lohpi geavahit guliid, ealliid iige olbmuid infekšuvnnaid dikšumii. Muhto sáhttá leat áigeguovdil geavahit daid luosaid boahkuheapmái, čállá universiteahta neahttasiiddus.