Nango oažžu 150.000 ruvnnu

Filbmadahkki Marja Bål Nango ja ealáhushutki Live Moen Johannesen oažžuba Davvi-Norgga Seastinbáŋkku 1 Servvodatloktema taleantastipeandda, 150.000 ruvnnu goabbáge.

Seastinbáŋku juohká taleantastipeandda logi nuorra taleanttaide.

Komihkkár Isalill Kolpus, animašuvdnafilbmadahkki Jon Mika Nystad Eskonsipo ja govvasárgu Laila Labba ožžot gis ovdánahttinstipeandda, 50.000 ruvnnu juohkehaš.

21 nuora ožžot ovdánahttinstipeandda.