Dáhtošii eambbosiid čađahit vuosttasgearddebálvalusa

Norgga suodjalusministtar Bjørn Arild Gram dáhtošii ahte ain eambbosat čađahivčče suodjalusgeatnegasvuođas. Gram dadjá Dagbladet-áviisii ahte mihttun lea, ahte ain eambbosat válljejit čađahit vuosttasgearddebálvalusa. Vai dán nagodivčče ollašuhttit, de fertešedje dávjjit go dál álggahit vuosttasgearddebálvalusa jagis.
Suodjalusministtar deattuha goittot, ahte ii jáhke ahte dál lea lassánan várra, ahte Norga fallehuvvo, muhto Ruošša cealkámušat ja dálá sihkkarvuođapolitihkalaš dilli dagaha, ahte lea dehálaš čájehit ahte riikkas lea gievrras suodjalus.