Dáhttot bisuhit FM-fierpmádaga

Romssa ja Finnmárkku fylkkadiggi hálidivččii, ahte FM-fierpmádat bisuhuvvošii ja adnošii heahte- ja soahtedilis. NRK sihkkarvuođahoavda Øyvind Vasaasen oaivvilda gis, ahte ođđaáigásaš teknologiija lea nannosat vuohki olahit olbmuid diekkár dilis. – FM-fierbmádaga berre atnit jus digitála teknologiija ii doala dási, dadjá Sosialisttalaš gurutbellodaga Tommy Berg. Earret eará soađi geažil mii lea Ukrainas, de sádde BBC fas oanehis báruid bokte vai olaha ukrainalaččaid geat leat digitála neahta haga.