– Kanáda buhtadusat ávkin Sápmái

Kanada stáhta máksá 40 miljárdda Kanada dollára buhtadussan vealaheami ovddas mii lea dahkkon eamiálbmot mánáide ja sin bearrašiidda. Ovttastuvvon Našuvnnaid Bissovaš Eamiálbmotforuma jođiheaddji, Anne Nuorgam, oaivvilda dán leat sámiide maid ávkin. – Mishan leat duohtavuođa- ja soabadallankommišuvnnaid barggut doaimmas Sámis. Norgga- ja Suoma bealde barggut leat jo álggahuvvon. Ruoŧa bealde leat maid bargamin dan guvlui. Dasto fertejit árvvoštallat livččego dákkár buhtadusat maiddá vejolaččat Davveriikkain, čilge Nuorgam.