Eai hálit hukset suddjejuvvon jogaid
Sosialisttalaš gurutbellodagas, Rukses bellodagas ja Birasbellodagas Ruoná lea čielga diehtu ođđa energiijakommišuvdnii: Allet huksegoađe suodjaluvvon jogaid. Fargga nammada Ráđđehus ođđa energiijakommišuvnna ja dat galgá iskat movt Norga sáhttá lasihit fápmobuvttadeami. Oljo- ja energiijaministtar Marte Mjøs Persen ii loga áigut evttohit lasi huksema suodjaluvvon čázádagain, muhto baicca geahčadit movt dulvvi vuostá sihkkarastit maiddái daid jogaid, mat leat suddjejuvvon.