Tunealla buorida sihkkarvuođa
– Buot biilavuddjiid sihkkarvuohta buorrána go Návuonváris leat geargan huksemen tuneallaid. Nu dadjá Návuonvári muohtačorgenstašuvnna stašuvdnahoavda, Bjørn Are Leinan. Váris lea dávjá muohtauđas fierramen, ja luodda lea dán vahkku máŋga beaivvi leamašan gitta heajos dálkki, uđđasa ja uđasvára geažil. Tuneallat maid leat huksemen, galget leat gárvásit huksejuvvon čakčat, jagi 2024, ja dasa illuda Leinan.
