Searvá prinseassa ávvudeapmái
Sámedikke dievasčoahkkinjođiheaddji Tom Sottinen ovddasta Sámedikki lihkusávaldatdeputašuvnnas Šloahtas bearjadaga. Doalut leat Gonagaslaš allavuođa Prinseassa Ingrid Alexandra 18 jagi beaivvi oktavuođas. Gonagaslaš hoavva dat lea bovden Norgga almmolašvuođa ovddasteddjiid lihkusávaldatdeputašuvdnii Šlohttii, masa Sottinen de searvá. Nu čállá Sámediggi.