Oktiibuot badjel 500 000 koronanjoammuma

Norggas leat dál eanet go 500 000 olbmo vásihan koronanjoammuma. Lávvordaga duođaštuvvojedje 8477 lasi koronanjoammuma, ja nu lea ge ollislaš lohku 504 789 njoammuma Norggas das rájes go pandemiija maid ollii Norgii, čájehit Álbmotdearvvašvuođa instituhta logut.

Ikte ledje 228 koronabuohcci divššus buohcciviesus, mii lea 24 unnit go ovddet beaivvi.