Idjadansadji bulii gutnan

Várggáin Nuorta-Finnmárkkus bulii idjadansadji Vardø Motell gutnan lávvordaga iđida. Buollin fuomášuvvui diibmu 03.30, ja guokte diimmu maŋŋá lei visti buollán gutnan. Ii oktage leat roasmmohuvvan buollimis. Buollinčáskadeaddjit leat dál báikkis goziheamen ahte eai šat iđe dolat, ja ahte buollin oalát čáskaduvvo, dieđiha Finnmárkku politiijaid operašuvdnajođiheaddji Gunnar Øvergaard NRKii.