Ii bisset Åajvaerie-huksemiid
Oljo- ja energiijaministtar Marte Mjøs Persen ii áiggo bissehit bieggafápmorusttega huksema Åajvaeries Nordlánddas.
Áirras čujuhii Alimusrievtti dupmui Fovsen-áššis, mas riekti lea cealkán ahte bieggafápmorusttegat leat lobiheamet huksejuvvon ja ahte boazodoalliid olmmošvuoigtavuođaŧ leat rihkkojuvvon.
Stáhtaráđđii deattuha iežas vástádusas ahte bieggafápmo industriija guovlu Åajvaeries lea masá ollásit huksejuvvon, ja dán huksema lea maid Vaapste suohkan dorjon.
Dál lea eanet sáhka das ahte oažžut huksejeaddji ja boazodoalu soabadit movt boazodoallu sáhttá geavahit johtingeainnu, mii lea dakko gokko dát bieggafápmorusttegat leat huksejuvvon, čállá Mjøs Persen.
14 searvvi leat maid čállán reivve ráđđehussii ja gáibidan ahte Åajvaerie-huksemat bissehuvvojit dassái go Alimusrievtti Fovsen-duomu váikkuhusat leat čielggaduvvon. (dárogillii)
Stáhtaráđđi lea ovdalaš juovllaid ge vástidan Sámediggái ahte ráđđehus ii mieđit gohččut Fosen vind bissehit bieggafápmorusttegiid Fovsen njaarkes, maŋŋá alimusrievtti duomu.
Dan leat sihke Sámediggi, boazodoallit ja biirasgáhttensearvvit dáhtton.
